【刑偵日記】惠英紅超強氣勢嚇窒網民　紅姐吳沚默雨中搏鬥

TVB新劇《刑偵日記》昨晚（6月29日）播出的第2集，影后級人馬紅姐惠英紅施展神級演技，凌厲眼神再陰森笑容令人心寒，當中紅姐用力扯吳沚默的頭髮，並狠狠地說：「我從未聽過有人癡線話自己係癡線架。」令觀眾印象深刻成為金句。

因為網民反應熱烈，TVB在今天（6月30日）中午在官方網站上傳名為「精神病患者唔易做」為題的拍攝花絮。從片段所見，紅姐與沚默進行了一場勁激烈的雨中肉搏，由於太過肉緊，連攝影師亦多次遭殃受襲。

▼點擊圖片放大

+6

+5

拍武打片經驗豐富的紅姐痛錫後輩，拍攝時不斷教沚默應如何減少受傷機會，令沚默大為感動。

吳沚默說：「我同紅姐好多場都有肢體碰撞，因為已經好信任佢，知道佢一定會保護我。譬如話頭先跌落地嗰吓，佢教我要鎖住條頸，等個膊頭先落地，咁個頭就唔會撞到地面。頭先我好緊張，因為紅姐做啲反應好真，叫得好淒厲，跟住我真係以為自己整痛佢。」